SARRA'

di Vincenzo Limongi

Sarra' 'u pape, 'u cardenale,
Sarra' 'u Criste 'ssope 'a croce
'nu 'mbriache, 'n anemale
ch' 'na facce docia doce.

Sarra' 'u vicchie a 'i giardinette
'u criature dinte 'a culle
Sarra' l'ove c''a pangette
O 'nu pizze de capeculle.

Sarra' 'u chiande de 'na mamme
Pe 'nu fije che ce spose
Sarra' quille senza danne
Pe quill'ate ch'arepose.

Sarra' 'u cane o 'a vecellette,
Sarra' 'a cchise 'u lunedì
Che de ggente ch''i pajette
Nen ci'areghegne: ma è meje accusci'.

Sarra' Panne o sarra' Nutelle,
Chisse sonne i gatte mi',
Che pe quande sonne belle
Sonne come i fije mi'.

Sarra' l'erbe, sarra' 'nu fiore
Sarra' 'a chiove d''a stagione
Sarra' pane e pemmadore
O l'amiche mi' Lione.

Sarra' 'u sole d''a matine
Sarra' 'a lune d''a nuttate
O 'na femmene gentile
Che te fa' penza' a 'u peccate.

Sarra' mojete o 'a uajone
Che te vo' spesa' demane
O 'n'amiche strenzelone
Che ghe' bbune come 'u pane.

Sarra' a femmene cu' lutte
Ch'a matine preste preste
Va' 'a 'na cchise a prega' 'u murte
Pure se ghe' jurne de feste.

Sarra' 'u sande o 'u sacrestane,
'n'ammalate 'nd'a barelle
'nu uajone streppejate
Che se 'u guide pure isse è bbelle.

Tutte 'i cose, bbelle e brutte,
L'anemale o i crestiane,
Magnatorie o farabutte,
Cose strane o cchiu' normale

Ponne resse 'nu messagge:
'mmizze a nnu', gh'e' 'a vereta',
o 'gnurande o cocce sagge,
'u Segnore a'ghecche 'sta'!

18 Giugno 2000

 

altre poesie